Joan den ekainaren 12an, Bortzirietako euskara batzordeetako kideak Etxalarko Kultur Etxean elkartu ginen. Mankomunitatearen egoera izan genuen aztergai, eta, aitzinera begira, euskararen normalizaziorako tresna eraginkorra izaten segitu dezan ziurtatu beharreko gutxieneko baldintzei buruz jardun ginen. Horrekin batera, euskara batzordeen egoerari buruz ere egin genuen gogoeta.

Euskal abizena badaukazu, baina erdaraz idatzita eta euskarazko grafiaz idatzita eduki nahi baduzu, hau egin behar duzu:

1. Erregistro zibilera edo bake epaitegira joan eta esan abizena euskal grafiaz ipini nahi duzula.
2. Han, eskaera orri bat eskatu, eta zure datuekin bete.
3. Gainera, agiri hauek eraman behar dituzu.

• Nortasun agiriaren fotokopia. Adinez nagusia ez bazara, gurasoena ere beharko duzu.
• Hitzez hitzeko jaiotza ziurtagiria. Epaitegian eskatu behar duzu.
• Errolda agiria. Udaletxean eskatu behar duzu, eta, adinez nagusia ez bazara, gurasoena ere beharko duzu.
• Ezkonduta edo seme-alabarik baduzu, familia liburuaren fotokopia.
• 16 urtetik gorako seme-alabak badituzu, seme-alaben nortasun agiriaren fotokopiak.

ETB1 Nafarroan ikusi ahal izateko, sinadura bilketa egiten ari gara. Inportantea da zure firma, Euskal Telebista Nafarroan ikusten jarraitzeko eta legez bermatzeko. Non sinatu? Agertu udal hauetara karnetarekin: Arantza, Bera, Etxalar, Igantzi eta Lesaka. Eta administrariak beteko du agiria. Komeni da ahalik eta sinadura gehienak biltzea otsailaren 24a baino lehen. Ordutegia: 09:00-13:00. Kanpainaren bultzatzaileak: Euskaltzaindia, Eusko Ikaskuntza eta Kontseilua.

Berako Euskara Batzordeak antolatuta, bertso saio didaktikoa izanen da Jamotenean, datorren urtarrilaren 15ean, ortziralarekin, 20:30ean.

 Saioan Iñigo Olaetxeak, Eneko Lazkozek, Julen Zelaietan, Julio Sotok, Miel Mari Elosegi “Luzek”, Xabi Terrerosek eta Estitxu Arotzenak parte hartuko dute, eta Nerea Bruño arituko da aurkezle lanetan. Bertsolari horiek guztiak urritik aitzinera ikastaro bat egiten aritu dira, Karlos Aizpuruarekin, eta saio honetan ere berau arituko da didaktikari.

    Saioa Bortzirietako Euskara Mankomunitatearen eta Berako Kultur Batzordearen laguntzarekin antolatu dute.